Mikayıl Cabbarov Mürrey Aukinklosla görüşüb

İqtisadiyyat naziri Mikayıl Cabbarov bp şirkətinin baş icraçı direktoru Mürrey Aukinklosla görüşüb.

BAKU.WS xəbər verir ki, bu barədə nazir özünün "X" hesabında paylaşım edib.

"Görüşdə Bakı Enerji Həftəsi çərçivəsində əldə edilmiş yeni razılaşmaların enerji sahəsində uğurlu strateji tərəfdaşlığın genişləndirilməsinə töhfə verəcəyini vurğuladıq. Azərbaycanda bərpaolunan enerji layihələrində bp-nin fəal iştirakını yüksək qiymətləndirdik. Şirkətin ölkəmizdəki fəaliyyəti, karbonsuzlaşma, kəşfiyyat və hasilat layihələri ilə bağlı fikir mübadiləsi apardıq".