Kəlbəcərdə fəaliyyət göstərən müəssisələrin sayı 6 dəfə artıb

2024-cü ildə Qarabağ iqtisadi rayonunda fəaliyyət göstərən 145 müəssisənin 34-ü Bərdə rayonunun payına düşüb.
BAKU.WS xəbər verir ki, "Report"un Dövlət Statistika Komitəsinin məlumatları əsasında apardığı hesablamalarına əsasən, 2023-cü ilə nisbətən Bərdədə müəssisə sayı 10 %, 2020-ci ilin göstərici ilə müqayisədə isə 31 % artıb.
Bununla yanaşı Ağdam rayonunda 32 ədəd (1 il əvvələ nisbətən 39 % çox, son 5 ildə - 2,7 dəfə çox), Füzuli rayonunda 25 ədəd (+32 % və +92 %), Ağcabədi rayonunda 18 ədəd (+13 % və +38 %), Tərtər rayonunda 16 ədəd (-6 % və +2 dəfə), Şuşa rayonunda 6 ədəd (+20 % və +3 dəfə), Xocavənd rayonunda 6 ədəd (+20 % və +2 dəfə), Xocalı rayonunda 2 ədəd (+2 dəfə və +2 dəfə), Xankəndi şəhərində 4 ədəd (əvvəlki illərdə olmayıb) və Ağdərə rayonunda 2 ədəd (əvvəlki illərdə olmayıb) müəssisə fəaliyyət göstərib.
Hesabat dövründə Şərqi Zəngəzur iqtisadi rayonunda 38 müəssisə (+52 % və 2,9 dəfə) fəaliyyət göstərib ki, onların da 11-i (+57 % və +3,7 dəfə) Cəbrayıl rayonunun, 9-u (+13 % və +80 %) Laçın rayonunun, 7-si (+3,5 dəfə və +3,5 dəfə) Qubadlı rayonunun, 6-sı (+50 % və +6 dəfə) Kəlbəcər rayonunun, 5-i (+25 % və +2,5 dəfə) isə Zəngilan rayonun payına düşüb.
Oxşar xəbərlər
Azad olunan ərazilərdə tullantılarla bağlı idarəetmə təkmilləşdirilir
Prezident İlham Əliyev işğaldan azad olunmuş ərazilərdə tullantılarla bağlı idarəetmənin təkmilləşdirilməsi, bununla əlaqədar bəzi fərmanlarında və sərəncamları...
