Dünya iqtisadiyyatına dəyəcək zərər hesablandı - 8,8 trilyon dollar

Dünyada hökm sürən koronavirus pandemiyası iqtisadiyyata 5,8-8,8 trilyon dollar zərər verə bilər.

BAKU.WS xəbər verir ki, bu barədə Asiya İnkişaf Bankı hesabat hazırlayıb.

Hesabatda qeyd olunur ki, dünya iqtisadiyyatı 5,8 trilyon dollardan 8,8 trilyon dollara qədər itkiyə məruz qala bilər ki, bu da qlobal ümumdaxili məhsulun 6,4-9,7 faizinə bərabərdir.

Əgər koronavirus infeksiyası ilə mübarizədən sonra iqtisadi aktivlik üç ay ərzində bərpa olunsa, itkilər 5,8 trilyon dollar təşkil edəcək.