Bu il neftin orta qiyməti ilə bağlı proqnoz açıqlandı

"Fitch Ratings" beynəlxalq reytinq agentliyinin proqnozuna görə, 2020-ci ildə “Brent” etalon markalı neftin bir barel üçün orta qiyməti 35 ABŞ dolları səviyyəsində olacaq.

BAKU.WS APA-ya istinadən xəbər verir ki, bu barədə "Fitch Ratings" agentliyi proqnozunu açıqlayıb.

Agentliyin proqnozuna əsasən, 2021-ci ildə “Brent”in bir barel üçün orta qiyməti 45 dollar, 2022-ci ildə isə 53 dollar səviyyəsində olacaq.

ICE London qitələrarası birjasında keçirilən ticarət əməliyyatlarının gedişində "Brent" neftinin ixracına dair 2020-ci ilin iyun müqaviləsinin dəyəri (Bakı vaxtı ilə saat 12:05-ə olan məlumat) 1,87% artaraq 1 barelə görə 28,34 dollar təşkil edib.