“Brent” neftinin bu il üçün orta qiyməti üzrə proqnoz açıqlandı

ABŞ-ın Energetika Nazirliyi yanında Energetika İnformasiyası Agentliyinin (EIA) proqnozlarına əsasən, bu il "Brent" markalı neftin qiyməti orta hesabla 38 ABŞ dolları (bir barel üçün) təşkil edəcək.

BAKU.WS APA-ya istinadən xəbər verir ki, bu, EAI tərəfindən verilən may proqnozu ilə müqayisədə 4 dollar çoxdur. Ötən il bu göstərici 64,37 dollara bərabər olub.

Agentlik bildirir ki, 2021-ci ildə "Brent" neftinin bahalaşması müşahidə ediləcək. Belə ki, proqnozlara əsasən, gələn il sözügedən markalı neftin qiyməti 48 dollara yüksələcək, bu da ötən ay verilən proqnoz göstəricisinə bərabərdir.