Azərbaycanda dollar satan banka əhali axın etdi (FOTO)

Azərbaycanda dollara olan tələbatın artması əksər banklarda valyuta qıtlığı yaradıb. 

BAKU.WS-in məlumatına görə, ölkəyə daxil olan xarici valyutanın kəskin azalması və dollarizasiya prosesinin davam etməsi bankları çətin vəziyyətə salıb. Son məlumata görə, ölkədə fəaliyyət göstərən 30-a yaxın bank ümumiyyətlə dollar satışını dayandırıb. 

Hazırda tək-tük bank əhaliyə dollar satır. Onlardan biri də "Azər Türk Bank"dır. Bank hər vətəndaşa 200 dollar və 200 avro satışı həyata keçirir.

Limit olmasına baxmayaraq paytaxt sakinləri bankın filiallarına axın edir. 

Şahin Həbibov

BAKU.WS