"Azeri Light" markalı neftin qiyməti qalxdı

Dünya bazarında Azərbaycan neftinin "Azeri Light" markası üzrə qiyməti 3,26 % və ya 2,67 ABŞ dolları artaraq 1 barel üçün 84,53 ABŞ dollarına çatıb.

Bu barədə neft bazarındakı etibarlı mənbələrdən BAKU.WS-ə məlumat daxil olub.

Hərracların nəticələrinə əsasən, "Brent" markalı neftin mart fyuçersləri isə 80,66 ABŞ dolları səviyyəsində müəyyənləşib.

Qeyd edək ki, Azərbaycanın 2025-ci il üçün dövlət büdcəsində neftin hər barelinin orta qiyməti 70 ABŞ dolları nəzərdə tutulub.

Məlumat üçün bildirək ki, "Azeri Light" markalı neftin ən aşağı qiyməti 2020-ci ilin 21 aprelində 15,81 ABŞ dolları, ən yüksək qiyməti isə 2008-ci ilin iyulunda 149,66 ABŞ dolları olaraq qeydə alınıb.

Azərbaycan nefti əsasən "Azəri-Çıraq-Günəşli" (AÇG) yataqlar blokunda hasil olunur. Bu yataqların işlənməsi çərçivəsində Azərbaycan Dövlət Neft Şirkəti (SOCAR) 25 %-lik paya malikdir.