ABŞ-İsrail və İran gərginliyi: Neftin qiyməti bahalaşmağa davam edir

Neft qiymətləri ardıcıl üçüncü gündür artım göstərir.

BAKU.WS xəbər verir ki, "Reuters" agentliyinin məlumatına görə, ABŞ-İsrail ilə İran arasında genişlənən qarşıdurma və Hörmüz boğazı vasitəsilə daşımalarla bağlı təhdidlər tədarükün pozulacağı ilə bağlı narahatlıqları artırıb.

Brent markalı neftin qiyməti çərşənbə axşamı saat 04:00 GMT-ə (Bakı vaxtı ilə səhər saat 08:00) olan məlumata görə 1,70 dollar və ya 2,2% artaraq 79,44 dollar/barel təşkil edib.

Bazar ertəsi isə müqavilənin qiyməti yanvar 2025-dən bəri ən yüksək səviyyə olan 82,37 dollara qədər yüksəlib. Lakin sonradan artımın bir hissəsi itirilsə də, sessiyanı 6,7% bahalaşma ilə başa vurub.

ABŞ-nin Qərbi Texas Aralıq nefti də 1,17 dollar və ya 1,6 faiz artaraq 72,40 dollar/barel təşkil edib. Əvvəlki sessiyada qiymət əvvəlcə 2025-ci ilin iyunundan bəri ən yüksək həddə çatıb, daha sonra geri çəkilsə də, yekunda 6,3% artımla bağlanıb.

"Hörmüz boğazı tezliklə gərginliyin azalması gözlənilmədiyindən bağlanıb və İran bölgədəki enerji infrastrukturunu hədəf almağa hazırdır, lakin risklər qalmaqdadır və münaqişə uzandıqca onlar artır", - deyə bazar analitiki Toni Saykamor bildirib.