SİZİN REKLAM BURADA!
055 213 76 73

Avropa Mərkəzi Bankı depozit faizlərinin – 0.40 faizdən - 0.50 faizədək endirilməsi barədə qəbul etdiyi qərar valyuta bazarına hələlik təsirsiz ötüşsə də, bu addım funt sterlinqin zəifləməsi və Ağ Evin dolları ucuzlaşdırmaq istəyi fonunda avronun yaxın zamanlarda möhkəmlənmək imkanlarını xeyili azaldıb.

Bu fikirləri BAKU.WS-ə açıqlamasında İqtisadi və Sosial İnkişaf Mərkəzinin sədri, iqtisadçı ekspert Vüqar Bayramov bildirib.

Onun sözlərinə görə, Mərkəzi Bank bu ilin noyabrından etibarən aylıq 20 milyard avroluq bond satışı da həyata keçirmək niyyyətindədir: "Bond proqramının nə vaxtadək davam edəcəyi barədə hər hansı bilgi verilməyib. “Əsas yenidən-maliyyələşdirmə əməliyyatları” və “marjinal maliyyələşdirmə” fasilitilər üzrə faizlər dəyişməz olaraq 0 və 0.25 faiz səviyyəsində saxlanılıb.

Avropa Mərkəzi Bankı gözlənilənə nisbətən yumşaq qərar qəbul etsə də belə hələlik Frankfurtda avronun möhkəmlənməsinə isti yanaşmır. Avrozonada proqnozlaşdırılan iqtisadi artıma nail oluna bilməməsi fonunda ABŞ-Çin ticari münasibətləri də avropalıların monetar qərarlarına təsirsiz ötüşmür".

İqtisadçı ekspert hesab edir ki, avro dollara nisbətən dəyər qazanmayacağı halda Azərbaycan valyuta bazarında da möhkəmlənməyəcək: "Bütövlükdə, Avropa Mərkəzi Bankının son qərarı göstərir ki, digər aparıcı rəqiblərin xüsusən də ABŞ Federal Ehtiyatlar Sisteminin proqnozlaşdırımayan fors-major qərarları olmayacağı halda avronun kursunun yaxın zamanlarda səbət valyutalara nisbətən möhkəmlənməsi gözlənilirmir. Manatın avroya çarpaz məzənnəsi müəyyənləşdirildiyi üçün milli valyutamızın dollara kursu Avropa puluna münasibətdə həlledici olacaq. Bu isə o deməkdir ki, avro dollara nisbətən dəyər qazanmayacağı halda bizim valyuta bazarında da möhkəmlənməyəcək".

Orxan Hüseyn
BAKU.WS