Bu il Azərbaycanda hasil ediləcək neft və təbii qazın həcmi açıqlanıb

Bu il Azərbaycanda neft hasilatı təxminən 30 milyon ton, təbii qaz hasilatı isə 48 milyard kubmetr təşkil edəcək.

BAKU.WS report-a istinadən xəbər verir ki, bunu Azərbaycanın energetika nazirinin müavini Kamal Abbasov bu gün keçirilən Bakı Enerji Forumunun I günündə deyib.

“2023-cü ildə Azərbaycanda neft hasilatı 30 milyon ton təşkil edib. Bunun 25 milyon tonu ixrac edilib. 2024-cü ildə Azərbaycanda neft hasilatı isə ötən ilin səviyyəsində qalacaq”, - K. Abbasov vurğulayıb.

Nazir müavini qeyd edib ki, 2024-cü ildə Azərbaycanda təbii qaz hasilatı 48 milyard kubmetr təşkil edəcək və bu, ötən ilin göstəricilərinə uyğundur.