VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Azərbaycan Dövlət Neft Fondundan (ARDNF) 2022-ci ilin dövlət büdcəsinə transfertin azalması Fondun maliyyələşdirdiyi digər layihələrə təsir etməyəcək.

BAKU.WS xəbər verir ki, bu barədə Fonddan Report-un sorğusuna cavab olaraq bildirilib.

"Əksinə aparılacaq dürüstləşdirmə çərçivəsində Fondun maliyyləşdirdiyi digər layihələr üzrə xərclərdə də dəqiqləşdirmənin aparılması nəzərdə tutulur. Cari ildə dövlət büdcəsində dürüstləşdirmə aparılmış və 2022-ci ilin gəlir və xərclər kontekstində icmal büdcənin bir sıra əsas parametr və göstəricilərində, o cümlədən xam neftin baza qiymətində, Neft Fondundan dövlət büdcəsinə transfertin həcmində dəyişiklik edilib", - ARDNF-dən bildirib.

Sorğuda deyilir ki, “Büdcə sistemi haqqında” qanuna uyğun olaraq Fondun büdcəsinin icmal büdcənin tərkib hissəsi olduğunu və onun yuxarıda qeyd edilən büdcə parametrlərinin dövlət büdcəsi ilə eyni götürüldüyünü nəzərə alaraq Neft Fondundan dövlət büdcəsinə transfertin həcmində müvafiq dəyişiklilərin aparılması zərurəti yaranıb:

"Məlum olduğu kimi ARDNF-nin fəaliyyətinin əsas məqsədlərindən birini neft gəlirlərinin gələcək nəsillər üçün toplanmasıdır. Neft Fondunun 2022-ci il büdcəsində dövlət büdcəsinə transfertin azalması ARDNF-in xərclərində 1 milyard 192,5 milyon manat (701,471 milyon ABŞ dolları) məbləğində qənaətin yaranmasına səbəb olur ki, bu da ilin sonuna ARDNF-nin proqnozlaşdırılan valyuta aktivlərinin həcminin müvafiq məbləğdə daha çox artmasına şərait yaradacaq”.

Qeyd edək ki, bu ilin dövlət büdcəsinin yenilənmiş proqnozlarına əsasən Neft Fondundan dövlət büdcəsinə 11 milyard 517,5 milyon manat transfert nəzərdə tutulur ki, bu da 2022-ci ilin təsdiq edilmiş transfert göstəricisi ilə müqayisədə 9,4% azdır.

Xatırladaq ki, ARDNF Azərbaycan prezidentinin 29 dekabr 1999-cu il tarixli fərmanı ilə yaradılıb. Fondda neft müqavilələrinin reallaşmasından, əsasən dövlətin mənfəət neftinin satışından, ölkə ərazisində neft və qaz nəqlinə görə tranzit tariflərindən, dövlət əmlakının icarəsindən və digər mənbələrdən daxil olan gəlirlər toplanır.

Bu ilin I rübündə Dövlət Neft Fondunun aktivləri 0,5% artaraq 45 milyard 264 milyon ABŞ dollarına çatıb. 2022-ci ilin yanvar-mart aylarında ARDNF-nin büdcə gəlirləri 2 milyard 955,9 milyon manat, büdcə xərcləri isə 2 milyard 764,5 milyon manat təşkil edib.

BAKU.WS