İnnovasiyalar Agentliyi 2 milyon ABŞ dolları məbləğində qrant alıb.

BAKU.WS Nəqliyyat, Rabitə və Yüksək Texnologiyalar Nazirliyinin İnnovasiyalar Agentliyinə istinadən xəbər verir ki, Koreya Beynəlxalq Əməkdaşlıq Agentliyi (KOICA) və Azərbaycan nümayəndəliyinin səlahiyyətli şəxsləri ilə birgə onlayn görüş keçiriblər.

Görüşün məqsədini İnnovasiyalar Agentliyi tərəfindən təklif olunan “Azərbaycanda innovasiya siyasəti üzrə yol xəritəsinin inkişafı vasitəsilə innovasiya tutumunun gücləndirilməsi” layihəsinin gələcək icrası üçün “İclas protokolu”nun müəyyənləşdirilməsi təşkil edib.

Layihə ilə innovasiya üzrə baş planın yaradılması, pilot layihənin həyata keçirilməsi və Azərbaycanda müvafiq sahə üzrə kadr potensialının gücləndirilməsi planlaşdırılır.

Layihənin icrası üçün Nəqliyyat, Rabitə və Yüksək Texnologiyalar Nazirliyinin İnnovasiyalar Agentliyi 2 milyon ABŞ dolları məbləğində qrant alıb.

Qeyd edilib ki, “Azərbaycanda innovasiya siyasəti üzrə yol xəritəsinin inkişafı vasitəsilə innovasiya tutumunun gücləndirilməsi” layihəsinin 2021-2024-cü illər ərzində həyata keçirilməsi nəzərdə tutulur.

BAKU.WS