Zelenski Ukraynanın "qırmızı xətt"ini göstərdi

"Müvəqqəti işğal altındakı ərazilərimizin Rusiyanın tərkib hissəsi hesab olunması bizim üçün "qırmızı xət"dir. Biz buna getməyəcəyik".

Oxu.Az xarici KİV-ə istinadən xəbər verir ki, bu sözləri Ukrayna Prezidenti Volodimir Zelenski Finlandiyanın dövlət başçısı Aleksandr Stubb ilə birgə mətbuat konfransında deyib.

V.Zelenski vurğulayıb ki, bu məsələ danışıqlar zamanı ən həssas və çətin məsələlərdən biri olacaq.

Ukrayna lideri, həmçinin qeyd edib ki, münaqişənin dayandırılması üçün ilk addım atəşkəsdən keçir.