Yaponiyada 7,1 bal gücündə zəlzələ: Ölənlər və təxliyə olunanlar var

Yaponiyanın Kyuşu adasında baş verən 7,1 bal gücündə zəlzələ nəticəsində azı 13 nəfər həyatını itirib.

BAKU.WS xəbər verir ki, zəlzələ dünən yerli vaxtla saat 16:27-də Kumamoto prefekturasında qeydə alınıb.

Yerli hakimiyyət orqanlarının məlumatına görə, təbii fəlakət səbəbindən 9 min 872 nəfər təhlükəsiz ərazilərə təxliyə edilib. Həmçinin adada bütün qatar reyslərinin hərəkəti müvəqqəti dayandırılıb.

Yeraltı təkanlardan sonra gücü 1-4 bal arasında dəyişən 60-dan çox afterşok qeydə alınıb.

Zəlzələdən dərhal sonra sunami xəbərdarlığı elan olunsa da, təxminən iki saat sonra ləğv edilib. Hazırda bölgədə vəziyyət nəzarətdə saxlanılır.