Yaponiya güclü qar yağışının təsiri altına düşüb: 45 ölü

Yaponiyada yanvarın 20-dən bəri davam edən güclü qar yağışı nəticəsində ölənlərin sayı 45-ə çatıb.

BAKU.WS xəbər verir ki, bu barədə ölkənin Yanğın və Fəlakətlərin İdarə Olunması Agentliyi (FDMA) məlumat yayıb.

Agentlik bildirib ki, qarlı və soyuq hava şəraiti səbəbindən ölkə üzrə 45 nəfər həyatını itirib.

Həmçinin qar və şaxtanın yaratdığı qəzalar nəticəsində ümumilikdə 543 nəfər xəsarət alıb.

Onlardan 187 nəfərin vəziyyəti ağır, 356 nəfərin isə yüngül qiymətləndirilir.