Yandex Pruffme platformasını satın alıb

"Yandex" şirkəti Pruffme adlı texnoloji platformanı satın alıb. Bu platforma onlayn lövhələrin yaradılması, vebinarlar və video-konfransların təşkili üçün xidmətlər təqdim edir.

BAKU.WS xəbər verir ki, bu barədə "İnterfaks" "Yandex" nümayəndəsinə istinadən məlumat yayıb.

Agentliyin məlumatına görə, "Yandex" payız aylarında Pruffme həllərindən istifadə edərək "Yandex 360" komandası tərəfindən hazırlanan "Yandex Konsept" adlı onlayn lövhə xidmətini yaradıb.

Şirkət birgə məhsul üzərində işləyərkən Pruffme komandasının təcrübəsini yüksək qiymətləndirib. Daha sonra "Yandex 360" çərçivəsində uzunmüddətli strateji inkişaf barədə razılıq əldə olunub.

Noyabrın ortalarında "Yandex" populyar "Mini Stansiya" adlı ağıllı kolonkaların üçüncü nəslini təqdim edib.

"Yandex" Kalininqrad bölgəsində qeydiyyatdan keçmiş Rusiya mənşəli transmilli IT şirkətidir. Şirkət eyniadlı axtarış sistemi, internet portalı və bir neçə ölkədə veb xidmətlərə sahibdir. Şirkət xüsusilə Rusiya, Belarus və Qazaxıstan bazarlarında güclü mövqeyə malikdir.

Bundan əvvəl "Yandex Yemək" restoranlarda masa onlayn bronlama xidmətini istifadəyə vermişdi.