"Vnukovo" aeroportunda insident: Trap təyyarəyə çırpıldı

Rusiyanın "Vnukovo" hava limanında "iFly" aviaşirkətinə məxsus təyyarəyə trap çırpılıb.

BAKU.WS xəbər verir ki, bu barədə "Aviatorşina" teleqram kanalı məlumat yayıb.

Bildirilir ki, 19 sentyabrda "Airbus A330" təyyarəsi Moskvadan Soçiyə uçmağa hazırlaşıb. Sərnişinlər öz yerlərini tutub, təyyarənin qapıları bağlanıb.

Trapın geri çəkilməsi zamanı təyyarənin mühərrikinə zərər dəyib və mühərrikdə batıq, cızıqlar yaranıb.

İnsident zamanı heç kim xəsarət almayıb. Təyyarənin texniki vəziyyətinin qiymətləndirilməsi üçün uçuş təxirə salınıb. Sərnişinlər dörd saata yaxın gecikmə ilə kurort şəhərinə yola düşüblər.