Ukraynanın bir ərazisində əhaliyə xəbərdarlıq edildi - Pəncərələri bağlayın!

Ukraynanın Dnepropetrovsk bölgəsində kimyəvi təhlükə barədə xəbərdarlıq edilib.

BAKU.WS xəbər verir ki, bu barədə "Dnepr Operativnıy" Telegram kanalı məlumat yayıb.

"Xilasetmə xidmətləri kimyəvi təhlükə barədə xəbərdarlıq edir və pəncərələri bağlamağa çağırır", - deyə paylaşımda qeyd olunub.

Daha sonra Ukraynanın Fövqəladə Hallar üzrə Dövlət Xidmətinin əməkdaşı Sergey Kovtonyukun açıqlaması dərc olunub. Onun sözlərinə görə, xidmət əhalinin mümkün zərər görməsinin qarşısını almaq üçün tədbirlər görüb.

Xatırladaq ki, gecə saatlarında Rusiya Silahlı Qüvvələri Dnepropetrovskdəki bir müəssisəyə dron zərbələri endirib.