Ukrayna ordusu ilə Şimali Koreya qüvvələri arasında ilk insident

Ukrayna Müdafiə Naziri Rustem Umerov Ukrayna və Şimali Koreya qüvvələrinin cəbhədə ilk dəfə qarşı-qarşıya gəldiyini təsdiqləyib.

BAKU.WS haber global-a istinadən xəbər verir ki, Ukrayna Milli Təhlükəsizlik və Müdafiə Şurasının Dezinformasiyaya Qarşı Mübarizə Mərkəzinin rəhbəri Andrey Kovalenko isə "Şimali Koreya hərbi birlikləri Kurskda ilk dəfə atəşə tutuldu" açıqlamasını verib.

Şimali Koreyanın Ukraynaya qarşı döyüşmək üçün Rusiyaya əsgər göndərdiyinə dair xəbərlər gündəmdə olarkən Ukrayna hökumətindən mövzu ilə bağlı mühüm bir açıqlama gəlib. Rəsmi Cənubi Koreya mətbuatına danışan Ukrayna Müdafiə Naziri Rustem Umerov, Ukrayna və Şimali Koreya qüvvələrinin cəbhədə ilk dəfə qarşılaşdığını təsdiqləyib.

Ukrayna və Şimali Koreya əsgərlərinin "kiçik miqyaslı bir qarşıdurmaya girdiyini" deyən Umerov, "qarşıdurmanın böyük münaqişə səviyyəsində olmadığını" ifadə edib.

Qarşıdurmanın vaxtı və yeri ilə bağlı ətraflı məlumat verməyən Umerov hadisənin "Şimali Koreyanın münaqişəyə qatılımının başlanğıcı olaraq qəbul edilə biləcəyinə" dair suala isə "bəli" cavabını verib.