Türkiyədə zəlzələ baş verdi

Türkiyənin Çanaqqala şəhərinin Gökçeada rayonu sahillərində 5.2 bal gücündə zəlzələ yaşanıb.

BAKU.WS xəbər verir ki, bu barədə Türkiyənin Fövqəladə Halların İdarə olunması Agentliyinin sosial şəbəkə hesabında qeyd edilib.

Bildirilib ki, zəlzələnin episentri Yunanıstanın Ayion Oros bölgəsində, Gökçeadadan 130 kilometr məsafədə yerləşib.

Yeraltı təkanlar 7 kilometr dərinlikdə qeydə alınıb.

Zəlzələ Çanaqqala, İzmir, Aydın və ətraf ərazilərdə də hiss edilib.