Türkiyə Prezidentindən İrana çağırış: Qan tökülməsinə qarşıyıq

Martın 4-də İrandan buraxılan və İraq ilə Suriya hava məkanını keçəndən sonra Türkiyəyə istiqamətlənən raket NATO tərəfindən zərirsizləşdirilib.

BAKU.WS xəbər verir ki, bu sözləri Türkiyə Prezidenti Rəcəb Tayyib Ərdoğan Türkiyə Nazirlər Kabinetinin toplantısında İrandakı vəziyyət, sərhəd təhlükəsizliyi kimi məsələləri müzakirə edərkən deyib.

Ərdoğan həmçinin, Türkiyənin sərhədləri ordunun 60 min şəxsi heyəti tərəfindən mühafizə edildiyini vurğulayıb:

"Martın 4-də İrandan buraxılan və İraq ilə Suriya hava məkanını keçəndən sonra Türkiyəyə istiqamətlənən raket NATO tərəfindən zərirsizləşdirilib. İrana bununla bağlı bütün etirazlar çatdırılıb. Amma səmimi xəbərdarlıqlarımıza rəğmən, hələ də Türkiyənin dostluğunu çətinləşdirəcək təxribatçı addımlar atılır. Uzunmüddətli qonşuluq tariximizə kölgə salacaq problemlər yaşanmamalıdır. Biz daha çox qan tökülməsinə qarşıyıq. Türkiyənin sərhədləri ordunun 60 min şəxsi heyəti tərəfindən mühafizə edilir".