Türkiyə Prezidenti İsraillə İranı atəşkəsə əməl etməyə çağırıb

Türkiyə Prezidenti Rəcəb Tayyib Ərdoğan İsrail və İran arasında dünən axşam əldə edilən atəşkəsin müsbət addım olduğunu bildirib.

BAKU.WS xəbər verir ki, bu barədə o, Niderlanda səfəri öncəsi keçirilən mətbuat konfransında danışıb.

Ərdoğan tərəfləri atəşkəsə riayət etməyə çağıraraq qeyd edib: "Bölgə yeni bir münaqişəni qaldıra bilməz. Gərginliklərin yeganə həlli yolu diplomatiyadır".

Türkiyə lideri, həmçinin İsrailin İrana hücumlarının qarşısının alınmasının vacibliyini vurğulayıb: "Əks halda, bu vəziyyətdən bütün bölgə zərər görəcək".

Ərdoğan Qəzzadakı qarşıdurmanın da tezliklə sona çatdırılmasının vacibliyini diqqətə çatdırıb.