Trampdan Venesuella ilə bağlı "51-ci ştat" paylaşımı

ABŞ Prezidenti Donald Tramp sosial media hesabında Venesuellanın beysbol üzrə yarı finalında İtaliyaya 4:2 hesabı ilə qalib gəlməsinə istinad edərək ölkənin "ABŞ-ın 51-ci ştatı" ola biləcəyini yazıb.

BAKU.WS xəbər verir ki, o, paylaşımında belə deyib:

"Venesuella son zamanlarda yaxşı görünür. Bu sehr nədən ibarətdir? 51-ci ştat olmaq istəyən var?"

Qeyd edək ki, Venesuella müvəqqəti prezidenti Delsi Rodrigez isə 2025-ci ilin noyabrında ABŞ-ın ölkəni "51-ci ştat" etmək niyyətində olduğunu iddia etmişdi.

Tramp bundan əvvəl də Kanada haqqında oxşar fikir söyləyərək onun ABŞ-ın 51-ci ştatı olması lazım olduğunu demişdi.

Xatırladaq ki, 3 yanvarda Venesuellanın paytaxtı Karakasda partlayışlar və təyyarə səsləri eşidilmiş, hökumət hadisələrdən sonra ABŞ-ni ölkənin müxtəlif bölgələrində sivil və hərbi obyektlərə hücum təşkil etməkdə ittiham etmişdi.

Venesuella hökuməti ABŞ-nin hərəkətlərini qınamaq üçün beynəlxalq ictimaiyyəti çağırmış, bəzi ölkələr ABŞ-ı tənqid etsə də, bəzi ölkələr onu dəstəkləmişdi.