Tbilisidə etirazçılar daş atmağa başlayıblar

Gürcüstanın paytaxtı Tbilisidə parlament qarşısında keçirilən etiraz aksiyasının iştirakçıları metal hasara zərbələr endirir və müxtəlif əşyalar atmağa başlayıblar.

Bu barədə TASS məlumat yayıb.

Etirazçılar daş, metal parçalar və taxta bayraq dirəkləri atmaqla yanaşı, boyanmış yumurtaları hasarın üzərindən aşıraraq atıblar. Polis hələlik bu davranışlara müdaxilə etməyib. Aksiya iştirakçıları parlament seçkilərinin nəticələrinə etirazlarını ifadə edirlər.

Bundan əvvəl, müxalifətin etiraz aksiyasına yaxın ərazidə hüquq-mühafizə orqanlarının xüsusi texnikası yerləşdirilib. Lakin polis heç bir tədbir görməyib.

Etiraz aksiyasının gedişatı və vəziyyətin nəzarət altına alınıb-alınmayacağı ilə bağlı əlavə məlumatlar gözlənilir.