Tanınmış rusiyalı model və teleaparıcı Parisdə faciəvi şəkildə öldü

Tanınmış rusiyalı model və teleaparıcı Svetlana Savitskaya Parisdə bədbəxt hadisə nəticəsində dünyasını dəyişib.

BAKU.WS xəbər verir ki, bu barədə "StarHit" nəşri məlumat yayıb.

Nəşrin mərhumun dostuna istinadən verdiyi məlumata görə, iki avtomobil bir-birinə doğru hərəkət edib, lakin sürücülərdən biri kəskin dönərək piyadaya çırpılıb. Onun 34 yaşlı model olduğu ortaya çıxıb.

Savitskayanın qohumları da sosial şəbəkələrdə bildiriblər ki, modellə vida mərasimi dekabrın 23-də saat 12:00-da Troekurovski qəbiristanlığında olacaq.

Xatırladaq ki, o, RU TV, "Friday!", Europa Plus TV və ZHARA TV kanallarında aparıcı olub.