Soçidə Xerota çayı maşınları və ağacları yuyub apardı

Rusiyanın Soçi şəhərində Xerota çayı öz məcrasından çıxaraq ərazilərə yayılıb.

Bu barədə "Shot" teleqram kanalı məlumat yayıb.

Daşqın əsasən Dacnaya və Petrozavodskaya küçələrində, eləcə də Matsesta qəsəbəsində qeydə alınıb.

Şəhərin bəzi hissələrində elektrik təchizatında problemlər müşahidə olunub. Adler rayonunun əsas küçəsi olan Lenina küçəsi də daxil olmaqla, bir neçə küçədə hərəkət çətinləşib.

Kudepsta mikrorayonunda daşqın bir neçə park edilmiş avtomobili yuyub aparıb. Hadisə şahidləri bu anları videoya çəkiblər.

Bundan əlavə Soçinin əsas avtomagistralının bir hissəsi müvəqqəti bağlanıb. Həmçinin bildirilib ki, tezliklə Şərqi Dağomıs çayı da öz məcrasından çıxa bilər. Şəhərin dağlıq ərazilərində güclü qar yağması ilə əlaqədar fırtına xəbərdarlığı elan edilib.