SEPAH-ın yeni baş komandanı: "Əməliyyatlar lazım olduğu müddətcə davam edəcək"

"İranın başladığı "Doğru Vəd 3" adlı hərbi əməliyyat lazım olduğu müddətcə davam etdiriləcək".

"Azad İran" "Telegram" kanalının məlumatına görə, bu barədə İslam İnqilabı Keşikçiləri Korpusunun (SEPAH) yeni baş komandanı Əhməd Vahid bəyan edib.

O, ilk mərhələdə İranın "sionist rejimə ağır zərbə" endirdiyini deyib.

Xatırladaq ki, İranın sabiq daxili işlər naziri olmuş general Əhməd Vahid iyunun 13-də general Hüseyn Səlaminin öldürülməsindən sonra SEPAH-ın yeni baş komandanı təyin olunub.