SAXAL HƏMAS-ın Qəzzadakı komanda mərkəzinə növbəti zərbə endirib

İsrail Müdafiə Ordusu (SAXAL) Qəzzada HƏMAS-ın komanda mərkəzinə zərbələr endirib.

BAKU.WS xəbər verir ki, bu barədə SAXAL-ın mətbuat xidməti məlumat yayıb.

"Bir qədər əvvəl İsrail ordusunun Hərbi Hava Qüvvələrinin (HHQ) kəşfiyyat məlumatları əsasında Qəzzanın mərkəzi hissəsində fəaliyyət göstərən HƏMAS terrorçularına dəqiq zərbələr endirib. Əl-Bureyc hazırlıq məktəbinin keçmiş kompleksində məskunlaşmış komanda mərkəzi terrorçuların hazırlanmasında və İsrail ordusu, İsrail dövlətinə qarşı terror hücumları həyata keçirilməsi üçün istifadə olunurdu", - deyə bəyanatda bildirilib.

SAXAL hücumun həyata keçirilməsi zamanı mülki vətəndaşlara maksimum az xətər dəyməsi üçün yüksək dəqiqlikli hərbi sursatlardan istifadə edildiyini və hücumdan əvvəl kəşfiyyat məlumatlarının dəqiqliklə toplandığını bəyan edib.