Rusiyanın bir şəhərində miqrantlara qarşı genişmiqyaslı REYD - 500-dən çox saxlanılan var

Rusiyanın Krasnoyarsk şəhərində Rusiya Qvardiyasının, Rusiya Federal Təhlükəsizlik Xidmətinin (FTX) və Rusiya İstintaq Komitəsinin (İK) əməkdaşları şəhərin bazarlarında genişmiqyaslı reyd keçirərək 520 miqrantı saxlayıblar.

BAKU.WS xəbər verir ki, bu barədə "Regnum" agentliyi özünün teleqram kanalında məlumat yayıb.

Agentliyin məlumatına görə, reydlər şəhərin Mərkəzi və Sovet rayonlarında keçirilib. Saxlanılanların hamısı cinayətlərdə iştirakının olub-olmadığını aydınlaşdırmaq üçün yoxlanılıb. Bundan başqa, 92 nəfər hərbi komissarlığa çağırış vərəqəsi alıb.