Rusiyada sərnişin təyyarədə bələdçilərə bıçaqla hücum edib

Rusiyada Nijni Novqorod – Soçi reysini həyata keçirən "İkar" aviaşirkətinin təyyarəsində uçuş zamanı bələdçilərə bıçaqla hücum olub.

Bu barədə "Shot" teleqram kanalı yazıb.

Məlumata görə, sərnişinlərdən biri ekipaj üzvləri mübahisədən sonra bıçaq çıxararaq yelləməyə və qışqırmağa başlayıb.

Bildirilir ki, kişi ekipajdan spirtli içki tələb edib və bıçaqla baqaj rəfinə zərbələr endirib. Bələdçilər sərxoş sərnişini sakitləşdirə biliblər və təyyarə eniş etdikdən sonra onu polisə təhvil veriblər.

Hadisə nəticəsində heç kim xəsarət almayıb.