Rusiyada miqrantlara birdən çox SIM-kart işlətmək qadağan edilir

Rusiyada miqrantlara birdən çox telefon nömrəsinin olmasını qadağan etmək təklif olunub.

BAKU.WS xəbər verir ki, bu barədə Tass məlumat yayıb.

"Dövlət Dumasının Əmək, Sosial Siyasət və Veteranların İşləri üzrə Komitəsinin rəhbəri Yaroslav Nilov əcnəbilərə birdən çox abunəçi nömrəsinin olmasını qadağan edən qanun layihəsi hazırlayıb. Sənəddə qeyd olunur ki, bu cür məhdudiyyətlər milli maraqların qorunmasına və vətəndaşlar üçün daha təhlükəsiz mühitin yaradılmasına yönəlib", - məlumatda deyilir.

Qeyd olunub ki, Rusiya ərazisində əcnəbilərin və vətəndaşlığı olmayan şəxslərin SIM kartlara sahiblik hüququnun məhdudlaşdırılması tədbirləri terrorizm, casusluq, fırıldaqçılıq və kibertəhlükələrlə bağlı artan təhlükələr nəzərə alınmaqla həyata keçirilməlidir.