Rusiyada koronavirusun yeni variantı yayılır

Hazırda Rusiyada XEC koronavirus variantının iki halı müəyyən edilib.

BAKU.WS lenta.ru-ya istinadən xəbər verir ki, COVID-19-un yeni variantına yoluxma halı Rostov vilayətində, ikincisi isə Ufada aşkar edilib.

"XEC Fransada ən çox yayılmış növdür, burada yoluxmaların təxminən 21 faizini təşkil edir. O, həmçinin Almaniya və Böyük Britaniyada da sürətlə artır, burada nümunələrin müvafiq olaraq 15 və 8 faizini təşkil edir", - deyə məlumatda qeyd edilib..

Ölkədə halların artdığı dövrdə xəstəlikdən qorunmaq üçün qurum fərdi qoruyucu vasitələrdən istifadə etməyi, əlləri sabunla yumağı, otaqları havalandırmağı tövsiyə edir.

XEC ilk dəfə 2024-cü ilin iyununda Almaniyada kəşf edilib və o vaxtdan bəri digər ölkələrdə müəyyən edilib. Yeni koronavirus variantının ən erkən halları may ayında İtaliyada qeydə alındı, lakin bu nümunələr yalnız sentyabr ayında SARS-CoV-2 variantlarını izləyən GISAID beynəlxalq məlumat bazasına yükləndi.