Rusiyada kərə yağı kəskin bahalaşdı - SƏBƏBLƏR

Rusiyada kərə yağının qiyməti istehsal xərclərinin artması səbəbindən artır.

BAKU.WS xəbər verir ki, bu barədə Forbes jurnalı kərə yağı bazarının iştirakçılarına istinadən məlumat yayıb.

"Banklardan kreditlər artıq daha baha başa gəlitər, yanacaq-sürtkü materialları və logistika qiymətləri qalxır", - deyə süd məhsulları istehsal edən şirkətin nümayəndələrindən biri bildirib.

Bundan əlavə, son iki ayda çiy südün (bütün südün) alış qiyməti 20-30% artıb. Eyni zamanda, sənayedə davam edən işçi qüvvəsi çatışmazlığı səbəbindən istehsalat işçilərinin maaşları xeyli artıb.

"EkoNiva" kənd təsərrüfatı holdinqinin məlumatına görə, istehsal üçün təkcə süd və digər inqrediyentlərin deyil, həm də hazır məhsulların maya dəyəri artıb.