Rusiya XİN ABŞ-nin "Marinera" tankerinə qarşı addımını qanunsuz saydı

Rusiya Xarici İşlər Nazirliyi ABŞ Silahlı Qüvvələrinin yanvarın 7-də "Marinera" neft tankerinə qarşı həyata keçirdiyi əməliyyatla bağlı narahatlığını açıqlayıb.

BAKU.WS xəbər verir ki, nazirliyin yaydığı bəyanatda bildirilir ki, Rusiya tərəfi ABŞ-nin bu addımını qanunsuz hesab edir. Rusiya XİN Vaşinqtonu beynəlxalq dəniz nəqliyyatı sahəsində qəbul olunmuş əsas norma və prinsiplərə əməl etməyə çağırıb.

Xatırladaq ki, Ağ Ev "Marinera" tankerinin ekipajının ABŞ-nin Venesuela neftinə tətbiq etdiyi sanksiyaları pozmaqda ittiham olunduğunu və bu səbəbdən məhkəmə qarşısına çıxarılacağını bəyan edib.