Qroznı hava limanında məhdudiyyətlər tətbiq edilib

Qroznıda Severnı Beynəlxalq Hava Limanında gəliş və gedişlərə müvəqqəti məhdudiyyətlər tətbiq edilib.

BAKU.WS Rusiya mətbuatına istinadən xəbər verir ki, bunu hava limanının baş direktoru Alvi Şaxgiriyev deyib.

Hava limanının direktorunun sözlərinə görə, "xalça" planı Bakı vaxtı ilə saat 5:08-də elan edilib. O əlavə edib ki, bəzi reyslər gecikir.

Severny hava limanı altı ölkədə 17 istiqamətə uçuşlar həyata keçirir. Hazırda hava limanında daxili və beynəlxalq reyslərə xidmət göstərən bir sərnişin terminalı fəaliyyət göstərir.