Qazaxıstan Rusiyaya benzinlə bağlı kömək etmək ehtimalını təsdiqləyib

Qazaxıstanın Energetika Nazirliyi Rusiyaya motor yanacağının tədarükünün mümkünlüyünü təsdiqləyib.

BAKU.WS xəbər verir ki, bu barədə "İnterfaks" agentliyi məlumat yayıb.

Məlumata görə, Rusiya hökumətinin rəsmi müraciəti olarsa, Qazaxıstan Rusiyaya yanacaq və sürtkü yağları tədarük etmək imkanını nəzərdən keçirməyə hazırdır.

Qazaxıstan Energetika Nazirliyi qeyd edib ki, beynəlxalq müqavilələr qarşılıqlı faydalı kommersiya şərtləri ilə və yalnız resurs potensialı mövcud olduqda mümkündür.

Qazaxıstan rəsmiləri vurğulayıblar ki, onların prioriteti daxili bazara benzin və dizel yanacağının tam və fasiləsiz tədarüküdür.