Peruda meşə yanğını fəlakəti: 3 bölgədə fövqəladə vəziyyət elan edilib

Peru prezidenti Dina Boluarte meşə yanğınlarından zərər çəkmiş 3 bölgədə fövqəladə vəziyyət elan edildiyini açıqlayıb.

BAKU.WS xarici mediaya istinadən xəbər verir ki, yanğınlarda indiyədək 16 nəfər ölüb.

Prezident Boluarte açıqlamasında iyul ayından bəri San Martin, Ucayali və Amazonas bölgələrində meşə yanğınlarının davam etdiyini xatırladıb.

Prezident bildirib ki, bu bölgələrdə fövqəladə vəziyyət elan edilib.

San Martin, Ucayali və Amazonasda 230-dan çox meşə yanğınının baş verdiyini qeyd edən Boluarte, bunların təxminən 80 faizinin nəzarət altında olduğunu bildirib.

Yanğınların böyük əksəriyyətinin insan fəaliyyətindən qaynaqlandığına diqqət çəkən Boluarte fermerlərdən küləş yandırmağı dayandırmalarını istəyib.

Qeyd edək ki, Peruda yanğınlar iyul ayından bəri baş verir.