Papa Ukrayna müharibəsi ilə bağlı çağırış etdi

Roma Papası XIV Leo Ukraynada davam edən müharibədən narahatlığını ifadə edib və zorakılığın dayandırılmasına çağırıb.

BAKU.WS xəbər verir ki, bu barədə "Vatican News" məlumat yayıb.

Papa "Angelus" duasından sonra Ukrayna və Rusiyada çoxsaylı insanın öldüyünü və yaralandığını bildirib. O, mülki əhali arasında itkilərin artdığını vurğulayıb.

XIV Leo münaqişənin dayandırılmasının və diplomatik dialoqa qayıdılmasının vacibliyini qeyd edib.

"Artıq zorakılıq dövrünü dayandırmaq və diplomatiya ilə dialoqa yol açaraq sülhə gedən yolu açmaq vaxtıdır", - deyə Papa bildirib.