Özbəkistanda özbək dilini bilməyən rusdilli uşaqlar döyülüb?

Özbəkistan Cizzaxdakı 1 saylı məktəbdə şagirdlərin özbək dilini bilməyən rusdilli məktəbliləri döyməsi ilə bağlı xəbərləri yoxlayacaq.

BAKU.WS xəbər verir ki, vəziyyətə respublikanın uşaq ombudsmanı Sürayə Rəhmonova nəzarət edir.

"Bu cür hadisələrlə bağlı bizə heç bir şikayət daxil olmayıb. Belə bir faktın olub-olmadığını yoxlayacağıq, sonra məlumat veriləcək", - deyə Rəhmonova bildirib.

Qeyd edək ki, sentyabrın 25-də Özbəkistanın paytaxtında müəllim rus dilində dərs keçməsini xahiş edən 6-cı sinif şagirdini döyməsi haqqında xəbərlər yayılmışdı.