Nurgül 23 il əvvəl çəkildiyi "Asmalı Konak" barəsində ilk dəfə danışdı

Məşhur aktrisa Nurgül Yeşilçay illər sonra çəkildiyi "Asmalı Konak" serialı ilə bağlı bəzi detalları açıqlayıb. 

BAKU.WS xəbər verir ki, aktrisa bu ekran işində necə rol aldığı barədə ilk dəfə danışıb:

"Mənim məktəbi bitirməyimə artıq 6 ay qalmışdı. Məktəbi bitirməsəm heç bir film təklifini qəbul etməyəcəyimi bildirmişdim. O vaxtlar bir çox yaxşı rol təklifləri gəlməyə başladı. Mən də təkliflərin ardı-arası kəsilməz deyə qəbul etmirdim. Məktəbi bitirdim. İzmirə ailəmin yanına getdim.

Sonra rejissor Abdullah Oğuzdan mənə zəng gəldi. Danışdıq və başqa bir layihədə çəkilmək üçün İstanbula gəldim. Lakin o ekran işi alınmadı. Sonar mənə "Asmalı Konak"da çəkilmək təklifi gəldi. Bundan sonra karyeramda yüksəldim". 

Xatırladaq ki, "Asmalı Konak" bir zamanların sevilərək izlənilən layihəsi olub. Ekran işi 2002-2003-cü illərdə yayımlanıb. Serial Türkiyənin kult ekran işləri arasında yer alır. Nurgülün layihədə tərəf müqabili müğənni Özcan Deniz olub. Onlar eşq yaşayan iki gənci canlandırıblar.