Muzeyin yeni işçisi sənət əsərini "zibil" bilib çölə atdı

Hollandiyadakı LAM muzeyində mexanik fransız rəssamı Aleksandr Lavetin "Birlikdə keçirdiyimiz bütün yaxşı vaxtlar" əsərini "zibil" bilərək çölə atıb.

BAKU.WS xarici mətbuata istinadən xəbər verir ki, muzey işçisi ilk baxışdan əzilmiş kimi görünən bu içki qablarının əslində sənət əsəri olduğunu bilməyib.

LAM muzeyi bildirib ki, qutular diqqətlə akril boya vasitəsilə əl ilə rənglənib və uzun zaman, zəhmət sərf olunub. Lakin muzeyin liftində nümayiş etdirilən bu əsər yeni işçi tərəfindən təsadüfən atılıb. Muzeyin sözçüsü Froukje Budding isə deyib ki, əsərlər çox vaxt ziyarətçiləri təəccübləndirmək üçün qeyri-adi yerlərdə sərgilənir və buna görə də həmin əsər liftdə nümayiş etdirilib.

Kurator Elisah Den Berq qısa bir tətildən qayıdanda qutuların əskik olduğunu görüb və onları vaxtında zibil torbasından çıxararaq xilas edib.