Moskvaya qar nə vaxt yağacaq?

Oktyabr ayında Moskvada havanın isti keçəcək, noyabrda isə nəzərəçarpacaq dərəcədə soyuyacağı gözlənilir.

BAKU.WS xəbər verir ki, bu barədə RBC-yə rusiyalı mütəxəssis Yevgeni Tişkovets məlumat verib.

Sinoptik qeyd edib ki, Moskvada havanın temperaturu Skandinaviya antisiklonuna görə düşməyə başlayıb. Buna baxmayaraq, oktyabr ayı normadan daha isti keçəcək.

Tişkovetsin proqnozuna görə, oktyabrın ən azı iki ongünlüyündə paytaxtda qar yağışı gözlənilmir.

Havanın orta sutkalıq temperaturu yalnız ayın sonu - noyabrın əvvəlində +5°C-dən aşağı düşəcək.