Moskvalılara XƏBƏRDARLIQ edildi - 1923-cü ildəki hadisə təkrarlana bilər

Bu gecədən etibarən Moskvada yağan güclü yağış sulu qara çevriləcək. Rəqəmlərin 1923-cü ildə qeydə alınmış rekordu - gündəlik yağıntı miqdarının 16,7 millimetrə çatması hadisəsini yeniləyəcəyi ehtimal olunur.

BAKU.WS Rusiya KİV-ə istinadən xəbər verir ki, bu barədə "Phobos" hava mərkəzinin aparıcı mütəxəssisi Mixail Leus açıqlama yayıb.

"Bu gün Moskvada buludlu hava şəraiti üstünlük təşkil edəcək, yağış yağacaq, arabir intensiv olacaq, 13-17 millimetr yağıntı düşə bilər ki, bu da noyabr ayı üçün aylıq normanın 1/3 hissəsinə yaxındır", - deyə məlumatda qeyd edilib.

Həmçinin paytaxtda havanın temperaturu 8-10 dərəcə isti, rayonda 5-10 dərəcə isti təşkil edəcək. Sinoptikin məlumatına görə, bu, iqlim normasından xeyli yüksəkdir.

Həmçinin cənub-şərq küləyinin saniyədə 6-11 metr sürətlə əsəcəyi gözlənilir. Küləyin sürəti saniyədə 13-18 metrə çata bilər. Axşam bəzi yerlərdə küləyin sürəti saniyədə 23 metrə çatacaq.