Moskvada ən uzun müqəvva yandırıldı

Moskva şəhərində keçirilən "Maslenitsa" bayramı çərçivəsində rekord ölçülü müqəvva konstruksiya alovlandırılıb.

BAKU.WS xəbər verir ki, Rusiya Mədəniyyət Nazirliyinin mətbuat xidməti tərəfindən "Mах" mesencerində yayılan məlumata görə, tədbir paytaxtdakı Qorki Leninskiye muzey-qoruğunda baş tutub. Konstruksiyanın hündürlüyü 25,2 metr olub ki, bu da beşmərtəbəli binadan yüksəkdir.

Qurum bildirir ki, hazırlanmasında 800 metr taxta tir, 250 metr parça, 28 metr naxış elementi və 3 ton saman istifadə olunub. Bütün işin tamamlanması üçün üç həftə vaxt sərf edilib.