Milyonlarla əfqan Türkiyə sərhədinə yönələ bilər

İranla ABŞ və İsrail arasındakı müharibə fonunda ölkədəki gərginliyin qonşu ölkələrə, xüsusilə Türkiyəyə miqrasiya təzyiqi yaradacağı ehtimalı müzakirə olunur. Ekspertlər bildirirlər ki, İran ərazisindəki münaqişənin genişlənməsi milyonlarla insanın sərhədlərə doğru hərəkət etməsinə səbəb ola bilər.

BAKU.WS xəbər verir ki, Miqrasiya Araşdırmaları Mərkəzinin rəhbəri Metin Çorabatırın sözlərinə görə, xüsusilə İran ərazisində yaşayan milyonlarla Əfqan miqrant Türkiyədə "ikinci bir miqrasiya dalğası" riski yaradır. Türkiyə artıq Suriya böhranında sərhədlərini açaraq qeyri‑rəsmi miqrantları qəbul etmişdi və yeni dalğa ilə qarşılaşmaq üçün sərhəddə ciddi hazırlıqlar aparır.

Ekspert bildirib ki, Türkiyə bu dəfə Suriya böhranında olduğu qədər elastik mövqe tutmayacaq. Ölkə, İran sərhədində miqrant axınına qarşı əvvəlcədən təhlükəsizlik və humanitar tədbirlər görmək imkanına sahibdir. Bununla yanaşı, mövcud qanunvericilik çərçivəsində Türkiyə İran ərazisinə icazəsiz daxil olmadan miqrantlara yardım etməyə səlahiyyətlidir.

Çorabatır vurğulayıb ki, miqrasiya məsələsi həm insan hüquqları, həm də daxili siyasət baxımından həssas mövzudur. İran vətəndaşları və orada yaşayan Əfqan miqrantlar üçün potensial miqrasiya dalğası ciddi təhlükəsizlik və humanitar hazırlıq tələb edir.