Məşhur marafonçu keçmiş sevgilisi tərəfindən yandırılaraq öldürüldü

Uqanda marafonçusu Rebecca Cheptegei (33) Keniyada keçmiş sevgilisi tərəfindən öldürülüb.

BAKU.WS xəbər verir ki, keçmiş sevgilisi idmançının üzərinə benzin tökərək onu yandırıb.

Bədəninin 75%-i yanmış idmançını xəstəxanada xilas etmək mümkün olmayıb. Uqanda Atletika Federasiyası hadisəni "ailə zorakılığının faciəvi nəticəsi" olaraq xarakterizə edib və ədalət tələb edib.

2024-cü il Paris Olimpiadasında yarışan Cheptegeinin ölümü qadına qarşı zorakılığın ciddi sosial problem olduğunu yenidən gündəmə gətirib.

Hadisə ilə bağlı istintaq davam edir.