Məşhur ekstrasens jurnalistlərə hücum etdi - ANBAAN GÖRÜNTÜ

Ekstrasens Anatoli Kaşpirovski arvadı və köməkçiləri ilə jurnalistlərə hücum edib.

BAKU.WS xəbər verir ki, bu barədə "SHOT" Telegram kanalında məlumat yayılıb.

Kaşpirovski konsert zalını tərk edəndə jurnalistlərə hücum edib. Onun arvadı jurnalistlərdən birinin əlindən telefonu almağa cəhd edib.

"SHOT" ekstrasensin fəaliyyətini bərpa etdiyini və yeni seanslar apardığını bildirib.

Telekanalın məlumatına görə, Kaşpirovski fəaliyyətini bərpa etdikdən sonra ilk görüşlərdən birinə təxminən 300 nəfər gəlib.