Makron: Fransa İsrail və Livan arasında atəşkəs danışıqlarına kömək etməyə hazırdır

Fransa İsrail və Livan arasında atəşkəs danışıqlarına kömək etməyə hazırdır.

BAKU.WS "The Times of Israel"ə istinadən xəbər verir ki, bu barədə Fransa Prezidenti Emmanuel Makron "X"-də paylaşım edib.

O qeyd edib ki, Fransa İsrail və Livan arasında Parisdə atəşkəs müzakirələrini asanlaşdırmağa hazırdır.

Makron, Livan rəhbərliyinin İsrail ilə birbaşa müzakirələrə açıq olduğunu və İsraili atəşkəs müzakirələrinə başlamaq, davamlı həll yolu tapmaq və Livan hakimiyyətinə Livanın suverenliyi uğrunda öhdəliklərini yerinə yetirməyə imkan vermək üçün bu fürsətdən istifadə etməyə çağırdığını söyləyib.

Makron İsraili hücumlarını, Hizbullahı isə hərəkətlərini dayandırmağa çağırıb.

"Livanın xaosa girməsinin qarşısını almaq üçün hər şey edilməlidir", - deyə o bildirib.