Maduro ABŞ-yə qarşı milli səfərbərlik elan edib

ABŞ-nin Venesuela sahillərinə hərbi gəmilər göndərməsi səbəbindən ölkədə Bolivarian Milli Milisinin səfərbərliyi elan edilib.

BAKU.WS xəbər verir ki, bu barədə prezident Nikolas Maduro açıqlama verib.

Onun sözləri "Venezolana de Televisión" telekanalı tərəfindən yayımlanıb.

"Ali Baş Komandan kimi qərara gəldim ki, şənbə və bazar günləri Venesuelada bütün milis üzvlərinin, ehtiyat qüvvələrin, eləcə də irəli addım atmaq, imperializmə "artıq yetər" demək istəyən bütün vətəndaşların – həm kişilərin, həm qadınların – qeydiyyatı və çağırışı üçün böyük bir kampaniya keçirilsin", – deyə dövlət başçısı vurğulayıb.

Maduronun sözlərinə görə, Venesuela ABŞ imperializminin "cinayətkar təhdidi" ilə mübarizədə bir daha qələbə qazanacaq, çünki respublika "suverenliyini, sülh hüququnu və milli inkişafını" qorumağa hazırdır.