Liverpulda parad zamanı azarkeşlərin üzərinə maşın sürdü - Onlarla yaralı var

İngiltərə Premyer Liqasında qələbə şərəfinə keçirilən bayram paradında avtomobil "Liverpul" klubunun azarkeşlərinin izdihamına çırpılıb.

BAKU.WS xarici KİV-ə istinadən xəbər verir ki, nəticədə dördü uşaq olmaqla 47 nəfər yaralanıb.

Onlardan 27-si xəstəxanaya yerləşdirilib, ikisinin vəziyyəti ağırdır.

Hüquq-mühafizə orqanlarının məlumatına görə, şübhəli şəxs Liverpulda yaşayan 53 yaşlı kişi olub. Hadisə terror aktı kimi qiymətləndirilmir.

Xatırladaq ki, "Liverpul" İngiltərə Premyer Liqasının 38 turunda 84 xal toplayaraq 2024/2025 mövsümündə İngiltərə çempionu olub. İkinci pillədə qərarlaşan "Arsenal"la fərq 10 xal olub.

Qalereya